Blogg í tilefni lausnar á dæmi!

Jæja, ég náði loksins að leysa dæmið sem ég er búin að vera að klóra mér í hausnum yfir í 2 daga, loksins loksin og í tilefni þess þá blogga ég! Já ég er núna á fullu að gera heimaverkefni fyrir þennan kúrs sem samanstendur af framhaldsefni af því sem mér fannst erfiðast í verkfræðinni: Rafeindatækni!! En ég þarf á honum að halda sem grunn fyrir það sem koma skal. En efnið í kúrsinum er ekki bara erfitt heldur megum við ekki tala við aðra nemendur um heimaverkefnin við eigum að gera þau alein! Já hann er karl í krapinu þessi kennari, megum bara tala við kennarann eða TA (teaching assistant) til að fá hjálp við heimadæmin. Svo ofaná allt þá þurfa nemendurnir að flytja fyrirlestur um hluta efnisins (15-20mín) og við fáum einkunn fyrir og sú einkunn gildir sem 33% af lokaeinkunn, sviti, sviti...

En svona fyrir þá sem finnst gaman af heilabrotum þá er hér ein spurning svona í tilefni þess að það er bara rúmur mánuður í vorveðrið hér í Boston:
Í íbúðinni okkar eru svalir sem snúa í Norðaustur, hvernig stendur þá á því að inn á þær skín sólin á daginn? (Þeir sem þora svari í commentboxið)

Jæja best að halda áfram að læra, nýta tímann meðan Hrafnkell og Gummi eru ekki heima, þeir skruppu í göngutúr í bankann, hann ætlar að leggja inn á ávísanaheftið okkar svo við getum borgað leiguna okkar um mánaðarmótin, já þetta er soldið gamaldags, hér úti borgar maður leiguna með ávísun. Jú svo ætlaði hann líka að ná í gjöfina okkar sem við fengum fyrir að stofna reikninginn það er svona eldfast mót með loki, rosa gott fyrir lasagna.

Erum svo að fara í smá road trip á morgun fimmtudag, erum búin að taka bíl á leigu og ætlum að skreppa aðeins í stóru verslanirnar fyrir utan Boston, þetta er náttlega aðalega business ferð hjá Gumma, hann ætlar að spjalla við verslunarstjórana og taka myndir af nokkrum vörum og svona. Við Hrafnkell ætlum með svona til gamans, okkur veitir ekki af að viðra okkur aðeins.

Jæja bless kex klukkan sex