Taste of Iceland

Það eru búnir að vera svokallaðir "Taste of Iceland" dagar hér í Boston, bæði hafa einstaka veitingastaðir boðið upp á íslenskan mat, skemmtistaðir verið með íslenska tónlistarmenn og svo bauð Carberry's bakaríið í Cambridge upp á íslenskt bakkelsi, vínarbrauð, snúða og annað gúmmelaði. Við létum þetta nú allt fram hjá okkur fara nema bakkelsið auðvitað.. sökum góðra gesta. Mikið rétt, heitustu uppar íslands heiðruðu okkur með nærveru sinni síðustu 5 næturnar, þessir uppar sættu sig náttlega ekkert við háklassa sænska IKEA svefnsófann okkar og kusu frekar King Size ameríku rúm á einu af fimm stjörnu hótelunum hér í kring. Pew!! segir maður nú bara..

En upparnir okkar voru frekar rólegir í tíðinni miðað við síðustu heimsókn þeirra hingað í borg verslunar-íslendinga, mætti helst halda að þau hafi látið sprauta sig niður áður en þau létu sig sökkva ofan í dúnmjúk Saga Class sætin í Keflavík, því svo dræm var verslunargleði þeirra að undir lokin var Guðmundur hinn mikli farinn að hlaupa með vörur til og frá rekkum til að reyna að freysta og jafnvel endurvekja gamlar verslunarglæður, en allt kom fyrir ekki og upparnir flugu heim í dag með ekki meira en sitthvor Prada sólgleraugun á enninu og einn Bumbó stól undir hendi.

Síðustu dagar hafa því farið í matarát, vatnsdrykkju og nokkur Kana-spil, hvað er svosem annað hægt í landi kanans, annars var hrikalaega sárt að kveðja Ósk og Inga í dag vitandi um allt sem á eftir að gerast næsta árið áður en við hittumst aftur. En við getum ekki annað en samgleðst Markúsi litla að vera búin að fá foreldrana sína heim aftur.
Var ekki örugglega Bumbó á óskalistanum þínum Markús? ... ekki.. nú kannski mamma þín leyfi þér þá bara að leika með nýju sólgleraugun sín..

Íslenskt bakkelsi

Á röltinu

Sýnishorn af nýju íbúðinni

Pedicure..

Fótanudd..

Óléttínur að kasta mæðinni..

Taste of "Tossed" salati á nýju rúmgóðu svölunum okkar

Fresh strawberry cheescake

Óléttínur skála í óáfengum bjór á "Top of the Hub"

Mafían

"Far vel" góðu vinir, við söknu ykkar!