Svona er lífið

Gummi og Hrafnkell eru á playdate-i. Þeir fóru með Pat og Rhodes sem búa í götunni okkar á róló hér á Commonwealth, Rhodes fæddist í júní 2005 og er því 3mánuðum eldri en Hrafnkell og kann að segja "baby" sem hann segir þegar hann sér Hrafnkell og svo kann hann líka að segja "bæ bæ" og að vinka í leiðinni. Hrafnkell kann að segja datt og gojagojagojagoj..?? Stundum dettur líka út úr honum eddegoj? sem við höldum að sé "þetta er gott" en ég veit ekki. Rhodes er skírður í höfðið á hljóðfæri sem ég þekki ekki en Pabbi hans hann Pat er í Berklee tónlistarskólanum hér rétt hjá okkur að læra á gítar og fleiri hljóðfæri en mamma hans hún Amber er að klára menntaskólann held hún hafi tekið sér pásu þegar hún átti strákinn veit annars ekki..
Ég er sit hér í rólegheitunum og er að sjóða grænmeti fyrir Kelarófu, keypti ilmandi tilbúinn jurtakryddaðan kjúlla fyrir okkur öll í Whole foods namminamm... ber hann svo fram með salati og kotasælu, þetta kenndi hómópatinn mér ásamt hollustubrauðinu góða, hún sagði reyndar að mar ætti að taka húðina af en mér finnst það aðeins of mikið.
Er að undirbúa fyrstu styrkumsóknina mína, leiðbeinandinn minn ætlar að skrifa meðmæli fyrir mig, doktorsnemar í verk- og raunvísindum ganga víst fyrir en það sakar ekki að reyna, sveltur sitjandi kráka, fljúgandi fær...
Jæja ætla að taka til kjúlla og grænmeti fyrir Hrafnkel, Gummi var að hringja hann er víst eitthvað súr ( hann Hrafnkell) mig grunar að hann sé bara orðinn sársvangur.
Erum svo að fara í pizzapartí hjá Íslendingafélaginu á sunnudag kl: 14:00 sem verður haldið í einhverjum bakgarði á MIT campus, það verður spennó að sjá loksins andlitin á stelpunum sem gáfu okkur svo mörg og góð ráð þegar við vorum að flytja hingað út í desember.
jæja, Keli og Gummi mættir í hús,
Later skaters..