Föst í álögum
Standlampinn okkar brotnaði. Hrafnkell sló honum í vegginn. Þetta er standlampi nr 2 sem skemmist. Ég held við séum í standlampaálögum. Það er mér í hag að vera í standlampaálögum því þá kemst ég oftar í Ikea til að fá mér sjóðheita cinnamon snúða. Í næstu standlampaferð ætla ég að kaupa mér tvo kassa af cinnamon snúðum, borða einn og frysta hinn til að borða seinna.. slef..kjamms
Við Gummi sluppum út í gær, Lára var svo indæl að passa fyrir okkur, byrjuðum á því að fá okkur að borða á Longhorn Steakhouse og skelltum okkur svo í bíó. Þetta var langþráð frelsi. Hrafnkell svaf blífast allan tímann. Tek því sem þögula hvatningu um að við foreldrarnir eigum að sletta oftar úr klaufunum.
Október byrjaði víst í gær svo og niðurtalning í mömmuheimsókn 23 days to go!
Byrjaði að baka brauð fyrir nokkrum vikum, nú er ekki aftur snúið því brauðið er svo gott þó ég segi sjálf frá. Mig langar til að gefa áhugasömum sælkerum færi á að njóta þeirra lífsgæða sem nýbakað brauð gefur, hér kemur því uppskriftin:
Hollustubrauð
6 dl spelt/ bygg mjöl/ heilhveiti (ég hef notað heilhveiti)
2 dl AB mjólk (Kefir í Whole foods)
4 tsk lyftiduft
1 dl fræ að vild (hörfræ/ sesamfræ /sólkjarnafræ) (ég hef notað hörfræarmjöl (e. flaxseed meal)
3-4 dl vatn
Sett í skál og handhrært (á að vera þykkt eins og hafragrautur)
sett í form með bökunarpappír undir
175°C (c.a 350°F) í 50-60mín
Lestin kemur, lestin fer..
3 Comments:
Þarna þekki ég þig Margrét.
er Guðmundur með smokk í hendinni?
Það má kalla það getnaðarvörn en gengur líka undir nafninu "Sweet'N Low" og dregur úr kynhvöt samkvæmt nýjustu rannsóknum.
Skrifa ummæli
<< Home